ಅಂಬೆಗಾಲು

“ನಿದ್ದೆ  ಬಂದಾಗ ಕಾಣುವುದು ಕನಸಲ್ಲ,ನಿದ್ದೆ ಬಾರದಂತೆ ಕಾಡುವುದು ಕನಸು”.ನಿದ್ದೆ ಬಾರದಂತೆ ಕಾಡಿದ ನನ್ನ ಕನಸು-“ಅಂಬೆಗಾಲು”. ಹೆಸರು ಅಂಬೆಗಾಲಾದ್ರು ಇದು ನನ್ನ ಬದುಕಿನ ದಿಟ್ಟ ಹೆಜ್ಜೆ. ಅಚ್ಚ ಕನ್ನಡ, ಸ್ವಚ್ಚ ಕನ್ನಡದ ಮಾತ್ ಬಿಡಿ, ಕಡೆ ಪಕ್ಷ ಕನ್ನಡ-English mix ಮಾಡಿ, ಕಂಗ್ಲೀಷ್ ಮಾತಾಡೊ ಕನ್ನಡಿಗರೂ ದಿನದಿಂದ ದಿನಕ್ಕೆ ಕಡಿಮೆಯಾಗ್ತ ಇದಾರೆ. ಕಾಂಕ್ರೀಟು ಕಾಡಿನಲ್ಲಿ, ಸಿಮೆಂಟು ಗೂಡಿನಲ್ಲಿ, ಕಾರ್ಪೋರೇಟು ನಾಡಿನಲ್ಲಿ ಕನ್ನಡದ ಮಹತ್ವ ಕಡಿಮೆಯಾಗ್ತಿರೋದು ಆತಂಕಕಾರಿ ಬೆಳವಣಿಗೆ.ಒಂದ್ ಸಲ ಯೋಚ್ನೆ ಮಾಡಿ ನಿಮ್ಗೆ ಕನಸು ಬೀಳೋದು ಯಾವ್ ಭಾಷೆಲಿ?ನಿಮ್ ಉತ್ತರ ಕನ್ನಡ ಆದ್ರೆ, ನೀವು ನಿಜವಾಗ್ಲು ಕನ್ನಡಿಗ!! ನಿಮ್ಮ ಕನಸು ಕನ್ನಡ ಭಾಷೆಯಾದ್ಮೇಲೆ, ಮನಸಲ್ಲಿ ಮಾತ್ರ ಯಾಕೆ ಕನ್ನಡಕ್ಕೆ ಜಾಗ ಇಲ್ಲ?

ನಮ್ ಕಸ್ತೂರಿ ಕನ್ನಡದಲ್ಲಿ ಏನಿಲ್ಲ ಹೇಳಿ? ಅಗಾಧವಾದ ಪ್ರೀತಿ ಇದೆ, ಅಮೂಲ್ಯವಾದ ಭಾವ ಇದೆ, ನಗು ಇದೆ. ಮನಸಿಗೆ ಮುದ ಕೊಡೊ ಸಾಹಿತ್ಯ ಇದೆ, ಕಾಡುವ ಭಾವಗೀತೆ-ಚಿತ್ರಗೀತೆಗಳ ಸಾಲುಗಳಿವೆ, ಕಣ್ಣೀರು ಬರಿಸೊ ಭಾವನೆಗಳಿವೆ. ಇವೆಲ್ಲವನ್ನು ನಿಮ್ಮ ಮುಂದೆ ಪದಗಳ ರೂಪದಲ್ಲಿ ಪ್ರಸ್ತುತ ಪಡಿಸೋಕೆ ಇಟ್ಟಿದ್ದೀನಿ….

                                                                                                                                “ಅಂಬೆಗಾಲು”…….

ನಿಮ್ಮ ಅನಿಸಿಕೆ ಅಭಿಪ್ರಾಯಗಳನ್ನ COMMENT ಮೂಲಕ ನನಗೆ ತಿಳಿಸಿ.

ಅಂಬೆಗಾಲಿಟ್ಟಿರೊ ಈ ಕನ್ನಡದ ಕಂದನ್ನ ಪ್ರೋತ್ಸಾಹಿಸಿ… 🙂 🙂

ಪ್ರೋತ್ಸಾಹದ ನಿರೀಕ್ಷೆಯಲ್ಲಿ…………..

                                                         ಮಧುಶ್ರೀ ಸಿ ಎಮ್